Visita guiada ao Museo Etnográfico de A Capela
Coa finalidade de recuperar como recurso de identidade e poñer en valor ese rico patrimonio créase no ano 2001 o MUSEO ETNOGRÁFICO da CAPELA.
Cóntase de partida cos fondos da Colección Etnográfica do C.E.I.P ”Mosteiro de Caaveiro” froito dunha experiencia sociopedagóxica desenvolvida desde o ano 1981 no colexio coa participación de pais, mestres, veciños e prin-cipalmente dos nenos e nenas.
Artéllase como unha “rede de museos”; cada un deles xira ao redor dun centro de interese e todos, á súa vez están interrelacionados entre si formando parte de rutas eco-etnográficas que lle permiten ao visitante deambular polo acontecer histórico dos homes e mulleres da zona. Esta rede está integrada por: A Casa do Pazo · Parque Etnográfico do Sesín · Escola de Guitriz.
Nesta visita coñeceremos a Casa do Pazo e a Escola de Guitriz. INSCRICIÓN PREVIA IMPRESCINDIBLE, antes do mércores 25 de decembro.
-
Desde o :
29-12-2019 -
Ata o :
29-12-2019