Bases XXXI Premio Nacional De Poesía Xosemaría Pérez Parallé
Historia do Premio
O Premio Nacional de Poesía Xosemaría Pérez Parallé foi instituído pola Directiva do Círculo Mercantil e Industrial-Unidade de Fene en 1987 coa vontade explícita de honrar a memoria do Segrel do Penedo. Durante dezasete convocatorias, premiouse un pequeno feixe de textos escritos en galego ou castelán.
O premio acadou unha relevante difusión en todo o territorio do Estado Español sendo galardoadas persoas provintes de diferentes partes do mesmo. En 2005, a Asemblea de socios do Círculo acorda introducir unha serie de modificacións nas bases.
A partir de entón, o premio está orientado expresamente a libros de poesía en lingua galega de autores que non tivesen obra individual previamente publicada.
Grazas a un acordo de colaboración co Concello de Fene e a editorial Espiral Maior que dirixe o poeta Miguel-Anxo Fernán Vello, o título gañador do certame de cada ano publícase nesta prestixiosa colección de poesía. Preténdese así colaborar a difundir o traballo dos novos creadores e creadoras de Galicia. Cada ano, a convocatoria do premio realízase arredor das letras galegas, estendéndose o prazo de presentación de orixinais ata finais do mes de setembro.
O fallo do xurado dáse a coñecer arredor do 20 de novembro.
Descargas
-
Desde o :
15-06-2018 -
Ata o :
14-09-2018